Во рамките на настанот „Синема кон“ во Лас Вегас, беше откриено кој ќе глуми во „Господарот на прстените: Ловот на Голум“, пренесува „Варајети“.

Претстојниот филм на Енди Серкис од универзумот на „Господарот на прстените“ ќе има премиера на 17 декември 2027 година.

Покрај режијата, Енди Серкис ќе се врати во улогата на Голум, Иан Мекелен повторно ќе биде Гандалф, Елајџа Вуд ќе се врати во толкувањето на Фродо Багинс, додека Ли Пејс повторно ќе го толкува Трандуил.

Нови актери кои ќе се приклучат на веќе познатата екипа се Кејт Винслет како Маригол и Лео Вудал како Халвард, а потврдено е и дека Џејми Дорнан ќе го толкува Страјдер, за кого подоцна се открива дека е Арагорн во романот.

„Господарот на прстените: Ловот на Голум“ ќе ја следи потрагата по расипаниот Хобит во годините пред настаните од „Дружината на прстенот“.

Сценаристите на филмската трилогија „Господарот на прстените“, Френ Волш и Филипа Бојенс, добија засилување во форма на Фиби Гитинс и Арти Папагеоргиу за адаптацијата на изворниот материјал.

Толкин ја напиша трилогијата „Господарот на прстените“ во 1950-тите, по успехот на „Хобитот“, а Питер Џексон ја адаптираше во филмови во 2001, 2002 и 2003 година, а потоа и „Хобитот“ во трилогија од 2012 до 2014 година.

Овие филмови означија важен момент во кинематографијата и постигнаа огромен успех на кино благајните, со речиси 3 милијарди долари заработка и 17 освоени Оскари.