Откажани натпреварите на Вардар во СЕХА лигата и во ЛШ
Натпреварите на ракометарите на Вардар во СЕХА-лигата и во Лигата на шампионите се одложени поради коронавирусот.
Вардарци во недела требаше да го играат реванш натпреварот од четвртфиналето на СЕХА Лигата против хрватскиот Нексе, но натпреварот е одложен на неодредено време.
Раководството на СЕХА донесе да ги одложи натпреварите Вардар – Нексе и Веспрем – Војводина поради актуелната ситуација со коронавирусот, а неизвесно е и одржувањето на завршниот фајналфор кој треба да се одржи во Задар.
Исто така е одложен е и првиот осминафинален натпревар во Лигата на шампионите кој Вардар на 23 март треба да го игра против Пик Сегед.
– Изненадени сме од ситуацијата, но ова е очекувано. Малку сме во незгодна состојба, во наредните 4-5 дена ќе одмораме и нема да тренираме. Здравјето на играчите е на прво место – вели Стевче Алушовски, тренерот на Вардарци.
