Косовската претседателка Вјоса Османи смета дека денешните парламентарни избори на Косово треба да резултираат со формирање на Собранието и владата што е можно поскоро, со цел да се подобрат потребните процеси за земјата, јави агенцијата Бета.

Се надевам дека нашата Република ќе има мирни, уредни и демократски избори. Се надевам дека ќе имаме избори со најголемо можно учество на граѓаните. Изборите се важен демократски процес. Се надевам дека резултатите ќе овозможат што е можно поскоро формирање на парламентот и владата, што е неопходно за важни внатрешни и меѓународни процеси за Косово, рече Османи.