Османи контра Димитров – повлечен предлог Законот за надворешни работи

Падна во вода предлог законот за надворешни работи, кој во февруари требаше да се најде во собраниска процедура, откако го помина владиниот филтер. Тогашниот министер за надворешни работи Никола Димитров истакна дека за зелено светло ќе се чека новото парламентарно мнозинство и во јавноста го бранеше новото законско решение, образложувајќи дека со него ќе се осовремени дипломатската служба и далеку поголема предност во назначувањето ќе имаат „кариерните“ дипломати. Очигледно текстот не наиде на поддршка кај наследникот во министерската фотелја, Бујар Османи.  

– Во претходниот мандат Законот условно ја помина владината процедура, односно имаше потреба од позитивно мислење од неколку институции, вклучувајќи ги тогаш и Секретаријатот за европски прашања, одбрана, Министерството за финансии… Јас сметав дека како ново раководство во Министерството треба да го вратиме законот назад, да видиме кои се овие разлики што ги имаат министерствата по однос на текстот, изјави новиот министер за надворешни работи.

Прочитајте и...  Над 11.000 новозаболени од ковид-19 во Германија, починаа 42 лица

Османи додава дека веќе остварил состаноци со претставници на дипломатските синдикати по однос на изработката на новиот текст. Од Македонскиот дипломатски синдикат за Слободен печат информираа дека очекуваат да бидат повикани и да работат на подготовката на новото законско решение, бидејќи предлогот на Димитров претставувал целосно фијаско. Од МДС посочија дека предлогот наликувал на Закон за служба. Според нив, текстот на ЗНР бил изготвен во нетранспарентна постапка, со него се централизирала моќта во рацете на министерот и Колегиумот именуван од него, се овозможила поделба на дипломатскиот од административниот персонал и биле предвидени далеку повеќе казни за вработените. Синдикатот оспори 50 од вкупно 120 одредби во предлогот на Димитров, но додаваат дека првичните разговори со Османи влеваат оптимизам и се надеваат дека нема да бидат игнорирани во изработката на новиот текст.

Прочитајте и...  Д-р Караџоски: Се наоѓаме во критична фаза, од која не може да се вратиме назад

Неофицијално, со ваквиот потег на Османи ќе се одолговлечи изборот на нови амбасадори, иако претходно на интегративците им се „брзаше“, со цел кандидатите што ги туркаат за амбасадорските места да немаат правни пречки при изборот, со оглед на тоа што предлог законот кој предвидуваше лица со двојно државјанство да може да ја обавуваат дипломатската функција не се усвои. Откако стана јасно дека Димитров не го испрати предлог законот со европско знаменце и по скратена постапка, амандман поднесе тогашниот пратеник од редовите на ДУИ, Артан Груби. Амандманот се однесуваше на актуелниот Закон, кој во членот 36 стриктно наведува дека функцијата „амбасадор“ може да ја извршува лице, кое е државјанин само на Република Македонија, но и решението на Груби не виде светло на крајот на тунелот поради распуштањето на собранискиот состав. Па така, во моментов виси изборот на дел од предлозите за амбасадори, кои се со двојно државјанство.

Прочитајте и...  Влијанието на ковид-19 врз економијата: Директните странски инвестиции во светот преполовени во првите шест месеци од 2020 година

Претседателот на Комисијата за надворешни работи во Собранието, Антонијо Милошоски, информира дека осум од шеснаесетте кандидати ја поминале собраниската процедура, а наредната недела се очекува пас да добие и останатата половина.

Од Вила Водно, за Слободен печат, потврдија дека претседателот Стево Пендаровски нема да потпише указ за оние кандидати со двојно државјанство.

– Согласно актуелниот Закон за надворешни работи само државјани на Република Северна Македонија може да се именуваат за амбасадори. Во таа насока, се побарува од сите институции формално да се проверуваат кандидатите со цел да се почитуваат законските одредби, информираат од Кабинетот на шефот на државата.

Според процедурата кандидатите за амбасадори „докажуваат“ дека не поседуваат втор пасош преку изјава заверена на нотар.

Поврзани вести

Основачот на американскиот култ „Нексием“, Кит Раниер осуден на 120 години затвор

Слободен печат

ВМРО-ДПМНЕ: Заев се крие и не го кажува ставот за Делчев и македонскиот јазик

Слободен печат

Митко Јанчев повикува на мирен протест за смена на Мицкоски

Маријана Митровска

Празникот на сите светци, 1 ноември, неработен за граѓаните од католичка вероисповед

Слободен печат

ВИДЕО | Таравари: Eдинствена грешка кај министерот Филипче е што ја брани Комисијата која што ја изгуби битката

Слободен печат

Кацински со повик до Полјаците: Да ја одбраниме црквата од протестите на жените

Слободен печат

Остави Коментар