Општина Карпош ги опколи со ленти игралиштата и фитнес зоните за да не се користат, Богоев апелира: Седете дома!
„Колку сме посовесни и ги почитуваме мерките за заштита од коронавирус, толку побрзо ќе се вратиме на секојдневниот живот и навики.“
Градоначалникот на Општина Карпош, Стефан Богоев преку социјалните медиуми сподели дека отворените игралишта и фитнес зоните во општината од денеска се опколени со жолта лента за истите да не се користат.
– Се забранува користење на детските игралишта во Карпош, а дел од истите ќе бидат и заклучени!
Ве повикувам да не ги користите и отворените игралишта, фитнес зони, со цел да спречиме ширење на Covid-19 (коронавирус). Исто така, интензивирани се контролите на МВР и Армијата, при што ЗАБРАНЕТО Е собирање во група на повеќе од пет лица, во паркови и на други јавни места и јавни површини- апелираше градоначалникот на социјалните медиуми.
Богоев исто така извести дека мобилни тимови ќе им помагаат на лицата кои не се во можност да ги набават основните продукти и лекови, за што се отворени телефонските линии 070 / 226 – 136 и 02 / 3068 – 806
? Мобилни тимови ќе помагаат на ранливи групи, стари и изнемоштени лица, хронично болни и семејства со лица со попреченост. Тимовите ќе вршат набавка на продукти, средства за хигиена, лекови и сл.
? 070-226-136 и 02/3068-806, се телефонските броеви за #Карпош – активни од утре. pic.twitter.com/rkpCKChbjA— Стефан Богоев (@stefanbogoev) March 17, 2020
