Јавното обвинителство поднесе обвинение против 12 лица за злоупотреба на службена положба и несовесно работење. Обвинението е поднесено откако Антикорупциската комисија поднесе кривична пријава во врска со доделувањето на спортските ваучери на спортски клубови и федерации.

„Постапувајќи по поднесената иницијатива од Државната комисија за спречување на корупцијата, надлежниот јавен обвинител поднел обвинителен предлог против 12 лица за кривични дела – Злоупотреба на службена положба и Несовесно работење. За осомничените до Основниот кривичен суд Скопје е доставен предлог за определување мерки на претпазливост“, соопштија од ОЈО.

Бидејќи се работи за обвинителен предлог тој не оди на оценка во Кривичниот суд туку директно кај судија и потоа се води по скратена постапка.

Кога станува збор за мерките претализвост, се поставува со повикување на странките.

Обвинението е поднесено против: Наумче Мојсоски како директор на Агенцијата за млади и спорт, неговиот претходни Дарко Каевски и првиот човек на Македонскиот олимписки комитет Даниел Димевски, но и за уште девет други лица.

Мојсоски и Каевски се обвинети за злоупотреба на службена положба, а Димевски и останатите за несовесно работење.