Ракометарите на РК Охрид за само пет дена ќе излезат пред преполни трибини во обид да испишат историја и да обезбедат пласман во своето прво европско финале во рамките на ЕХФ купот, каде за противник го имаат Целје.

Од клубот информираа дека билетите се веќе распродадени, па салата „Билјанини Извори“ ќе биде исполнета до последното место.

Тоа значи дека избраниците на Борис Ројевиќ ќе имаат силна поддршка од трибините во обид да ја анулираат минималната негатива од првиот натпревар, каде на гости загубија со 27-26.

Решавачкиот дуел меѓу Охрид и Целје е закажан за сабота со почеток од 19:00 часот. Ќе потсетиме, трофејот од ова натпреварување минатата година го освои Алкалоид, па ако Охрид дојде до финалето ќе игра и за трофејот да остане во Македонија.

Вардар денеска го потпиша најголемиот спонзорски договор во клупската историја