Официјално: Од понеделник кошаркарите ќе имаат нов селектор
Денеска од федерацијата известуваат дека за три дена ќе се одржи прес конференција на која ќе биде претставен новиот селектор на машката сениорска репрезентација.
Промоцијата ќе се случи на 19 април (понеделник) со почеток од 12.00 часот, на терасата на хотелот „Солун-СПА Супериор“ во Скопје.
Досега сениорите од клупата ги водеше Александар Тодоров кој имаше неуспешни квалификации за пласман на следното Европско првенство.
Тодоров изјави дека е разочаран поради неуспехот, но од друга страна изрази големо задоволство што беше дел од нешто ново што се создава и што ќе трае во наредните 10-15 години.
Останува сега повеќе да се работи со младите, како што најавуваат од федерацијата да се организираат семинари и за нашите тренери, па на претквалификациите за Светското првенство во август годинава да се покажеме во подобро светло.