Денеска шпанскиот фудбалски клуб Севиља објави дека 35-годишниот Иван Ракитиќ се сели во Саудиска Арабија, поточно во редовите на Ал Шабаб.

Хрватот официјално потпиша договор со Ал Шабаб кој ќе трае до јуни 2025 година.

Ракитиќ ја напушти Шпанија после 13 години, од јануари 2011 играше за Севиља со која ја освои Лига Европа, а потоа се пресели во Барселона во чиј дрес стигна до пехарот во Лигата на шампионите.

По враќањето во Севиља во 2020 година, лани освои уште еден трофеј во Лига Европа.

– Севиља сака да му се заблагодари на Иван Ракитиќ, еден од најважните играчи во својата историја, за неговата напорна работа и посветеност сите овие години и му посакува успех во иднина – стои во соопштението на Севиља.

За најдобрата репрезентација на Хрватска запиша 106 настапи и постигна 15 голови.