Официјално: Ракип по истекот на договорот ќе го напушти Малме
Ердал Ракип (26), играчот од средниот ред, наскоро ќе го напушти шведскиот фудбалски клуб Малме и ќе биде слободен агент од 2023 година.
Ракип кој има два настапи за најдобрата македонска репрезентација, по истекот на важечкиот договор кој трае до 31 декември 2023 година, повеќе нема да биде играч на Малме со кој играше во Лигата на шампионите и Лигата на Европа.
Годинава во најсилниот шведски шампионат имаше 25 настапи и еден гол во поразот од Дјургарден (2:3).
Во досегашниот поголем дел од кариерата беше дел од Малме со кој шестпати беше шампион на Шведска, а има и по еден трофеј националниот Куп и Суперкуп.
Беше дел од Бенфика и Кристал палас, но не запиша ниту еден официјален настап за тие клубови.
На репрезентативно ниво со У17 селекцијата на Шведска го освои третото место на Светското првенство во 2013 година.
