Пјер-Емерик Обамејанг го комплетираше трансферот од Барселона во редовите на Челси. Искусниот напаѓач со лондонските „сини“ потпиша договор на две години.

Интернационалецот од Габон за Барса во 23 настапи минатата сезона реализираше 13 голови.

– Навистина сум среќен. Чест е да се биде дел од овој тим и едвај чекам да започнам. Имам незавршена работа во Премиер лигата, па затоа е добро да се вратам и навистина е возбудливо – рече Обамејанг за клупскиот сајт на Челси.

Веќе докажан стрелец во Премиер лигата откако постигна 68 голови за Арсенал во текот на четири години на „Емирати“.

Го освои ФА Купот со Арсенал во 2020 година, еден трофеј во францускиот Куп со Ст. Етјен, една титула во Купот на Германија со Борусија Дортмунд и уште две во Суперкупот.

Од „Стемфорд Бриџ“ исто така информираа дека клубот го напушти Маркос Алонсо кој ќе ја продолжи кариерата во Барселона, а на позајмица од Јувентус до крајот на сезоната дојде Швајцарецот Денис Закарија.

Billy Gilmour has completed a permanent transfer to Brighton & Hove Albion. ✍️

Thank you and good luck, Billy! 💙

— Chelsea FC (@ChelseaFC) September 1, 2022

Били Гилмур не е повеќе играч на Челси, Шкотланѓанецот и во иднина ќе го носи дресот на Брајтон, а Кенеди останува верен на Реал Ваљадолид. Харви Вејл потпиша нов договор со Челси, а до крајот на сезоната ќе игра на позајмица во Хал, додека Итан Ампаду ќе ја помине сезоната во Специја.

 

View this post on Instagram

 

A post shared by Chelsea FC (@chelseafc)