Официјално: Госенс е нов фудбалер на Интер

Актуелниот шампион во Серија А и актуелен лидер на табелата сезонава, Интер вечерва го промовираше засилувањето од Аталанта, Робин Госенс.
Германскиот репрезентативец денеска ги помина лекарските прегледи по што со „неразурите“  потпиша петгодишен договор.

📣 | ANNUNCIO

Robin Gosens è dell’Inter! ⚫️🔵

👉 https://t.co/o9D1w5V7qT#WelcomeRobin #IMInter pic.twitter.com/PkQENznjNB

— Inter 🏆🇮🇹 (@Inter) January 27, 2022

Според договорот меѓу двата тима, Госенс првите 18 месеци ќе ги помине на позајмица, а потоа Интер ќе мора да плати помеѓу 25 и 27 милиони евра отштета. Не е исклучено со евентуални бонуси, сумата да дојде и до 30 милиони евра.

Интер работата со Госенс ја заврши експресно, за 48 часа поради интересот на Њукасл кој на Аталанта и понуди поголемо обесштетување, но на крајот пресуди желбата на самиот фудбалер.
– Зошто Интер? Бидејќи Интер едноставно е Интер – изјави агентот на Госенс за италијанските медиуми.

24 – Since 2018/19 Robin Gosens has been the defender with the most goals scored in the Big-5 European Leagues: 24 goals, at least four more than any other. Precious. pic.twitter.com/YoN8NqbSKj

— OptaPaolo 🏆 (@OptaPaolo) January 26, 2022

Дефанзивецот моментно е повреден, не игра уште од крајот на септември поради проблеми со тетивата на ногата, а кам-бекот на терените се очекува идниот месец.

Госенс не би требало да биде последното засилување за Интер во зимскиот преоден рок, бидејќи е пред договор со Џенова за трансферот на Фелипе Каиседо.