Андреа Белоти (28) официјално потпиша едногодишен договор со Рома кој ќе трае до 30 јуни 2023 година.

Како дел од целокупниот договор постои и опција да се продолжи истиот на уште две години, врз основа на перформансите, успешноста на играчот.

Репрезентативецот на Италија му се приклучува на клубот по седум сезони поминати во Торино, каде што постигна 100 гола во Серија А.

– Напредокот и амбициите на Рома во последно време беа јасни за сите, и тие имаа големо влијание врз мене. Во овој момент од мојата кариера сакам да продолжам да се подобрувам, од ден на ден, и среќен сум што имам можност да го сторам тоа претставувајќи го овој клуб. Сега едвај чекам да ја слушнам химната на клубот на стадионот, пред сите наши навивачи – рече Белоти за клупскиот сајт.

Пред да се пресели во редовите на Торино, ги бранеше уште боите на Албинолефе и Палермо. Со најдобрата италијанска репрезентација ја освои титулата на Евро 2020.

“Adesso non vedo l’ora di sentire l’inno allo stadio, davanti ai nostri tifosi”.@gallobelotti | #ASRoma pic.twitter.com/IykHL6mfJV

— AS Roma (@OfficialASRoma) August 28, 2022