Бранителите на поголем број од обвинетите за пожарот во дискотеката „Пулс“ бараат да се одложи денешната расправа откако судот го спои обвинението за главниот предмет со обвинението против вистинскиот газда на „Рубикон“, Александар Нацев.

Обвинителството по ова решение достави интегрирано обвинение и прочистена листа на докази, па одбраната на дел од обвинетите побара одложување со образложение дека ја немаат прочистената листа на докази, а меѓу тие што се тргнати докази може да бидат и оние кои одбраната планира да ги предложи.

Обвинителот Борче Јанев по барањето на адвокатите кажа дела ништо суштинско не е променето во дејствијата на обвинетите ниту листата на докази е непозната за одбраната. Но, рече дека легитимно е правото на одбраната и дека тие како Обвинителство се немаат запознато со листата на докази на одбраната.

Судот даде пауза од 15 минути.

Никој не знае колку ќе трае овој процес – ќе направиме сè да тече непречено, рече судијката Илиевска