Од почетокот на војната, ЕУ и плати на Русија 44 милијарди евра за енергенти
Во текот на двата месеци од војната во Украина, Русија заработила 62 милијарди евра од извозот на фосилни горива, а најголем индивидуален купувач била Германија. Ова го наведува Центарот за истражување на енергија и чист воздух (ЦРЕА).
Препорачано
Според ЦРЕА ЕУ увезла 71 отсто од нафтата, гасот и јагленот што Русија ги извезла од почетокот на војната во Украина, во вредност од околу 44 милијарди евра.
Германија, Италија и Кина беа најголеми поединечни увозници, а потоа следат Холандија, Турција и Франција.
Се проценува дека најголемиот увозник, Германија, платил девет милијарди евра за руски фосилни горива за два месеци. Италија платила 6,8 милијарди, Кина 6,6 милијарди, Холандија 5,6 милијарди, Турција 4,1 милијарди, а Франција 3,8 милијарди.
Поради континуираниот увоз на нафта и гас и високите цени на горивата, приходите на Русија од извозот се значително повисоки од претходните години, иако износот на извозот е намален, наведува ЦРЕА.
Во меѓувреме ЕУ најави дека од август ќе го забрани увозот на јаглен од Русија, а се очекува во наредните недели да воведе ембарго за увоз на нафта. Дури и без забрани за увоз, некои земји и корпорации одлучија да го прекинат купувањето.
Една четвртина од испораките на фосилни горива од Русија пристигнаа во само шест пристаништа на ЕУ во пет земји, Ротердам и Масфлакте во Холандија, Трст во Италија, Гдањск во Полска и Зебриз во Белгија.
ЦРЕА исто така наведува дека големите нафтени компании, продолжиле да работат со Русија.
„Продолжувањето на увозот на енергија е главната дупка во санкциите наметнати на Русија. Секој што купува фосилни горива е соучесник во ужасните прекршувања на меѓународното право што ги прави руската војска – рече Лаура Миливирта, главен аналитичар во ЦРЕА, додавајќи дека извозот на фосилни горива е клучен за одржување на власт Владимир Путин.
ЦРЕА ги повика сите влади и корпоративни купувачи на руски фосилни горива да го прекинат купувањето и да воведат казнени тарифи за време на периодот на транзиција.
Истражувањето на ЦРЕА покажува дека дури и ограничените санкции наметнати досега имаат ефект и дека испораките на сурова нафта од Русија до пристаништата во странство паднале за 30% во првите три недели од април во споредба со јануари и февруари.
