Од 20 часот вечерва возовите се враќаат на шините
Железничкиот сообраќај ќе се нормализира од 20 часот вечерва откако претставниците на машинскиот извршен персонал и раководството во ЖРСМ Транспорт доцна попладнево постигнаа договор за исплата на вториот дел од платата за јуни како и за измени во актот за систематизација, потврдил за МИА Тони Димовски, претставник на машинскиот персонал.
-Постигнат е договор со менаџерскиот на ЖРСМ Транспорт за исплата на вториот дел од платата за јуни во петок како и да почнат преговори за доставените барања за изменување и дополнување на систематизацијата со што ќе се зголеми коефицинетот на сложеност за машинскиот извршен персонал, а можно е и за сите вработени, изјави Димовски.
Во тек на неколку часовниот прекин на железничкиот собраќај, не се реализираше сообраќањето на два патнички воза од Скопје за Битола и за Гевгелија, додека од товарните немаше откажување.