Најтрофејниот кошаркарски тренер во Европа, Жељко Обрадовиќ нема долго да биде без ангажман по оставката во белградски Партизан, пренесуваат грчките медиуми.

Грчкиот прволигаш ПАОК е силно заинтересиран да го донесе во своите редови Обрадовиќ. Солунскиот клуб неодамна доби нов сопственик во името на Аристотелис Мистакидис, кој најавува амбициозен проект со цел враќање на стариот сјај на клубот.

Информациите од Грција говорат дека тој веќе остварил првични разговори со челниците на ПАОК. Доколку дојде до договор, тоа би значело негово враќање во грчката кошарка, каде во минатото бележеше огромни успеси со Панатинаикос.

Преземено од: Sport.com.mk