Благодарение на анализата на податоците на водечкиот светски провајдер на информации за глобалниот воздушен сообраќај, ОАГ, објавена е листа на најпрометните воздушни линии во светот во 2024 година. Станува збор за линии кои се напрометни според вкупниот број на пополнети седишта.

Првото место го зазеде рутата помеѓу Хонг Конг и Тајпеј, која забележа огромен пораст на капацитетот за 48 проценти, достигнувајќи 6,8 милиони седишта оваа година, скокајќи од третото место во 2023 година.

На второ место е линијата меѓу Каиро и саудискиот град Џеда, која порасна за 62 отсто во споредба со 2019 година, додека релацијата меѓу Сеул и Токио е на третото место, со само 1,1 отсто заостанување. Линиите во Азија целосно доминираат на оваа листа, заземајќи седум од првите десет места.

Ова се 10-те најфреквентни воздушни линии во светот:

Хонг Конг – Тајпеј
Каиро – Џеда
Сеул Инчеон – Токио Нарита
Куала Лумпур – Сингапур
Сеул Инчеон – Осака
Дубаи – Ријад
Бангкок – Хонг Конг
Џакарта – Сингапур
Бангкок – Сингапур
Њујорк ЏФК – Хитроу