Нуно Еспирито Санто доби отказ во Ал Итихад
Откако во понеделникот Ал Итихад загуби на гостувањето кај Ал Кува Ал Џавија (Ирак) во азиската фудбалска Лига на шампионите со 2:0, клубот од Саудиска Арабија реши да му врачи отказ на тренерот Нуно Еспирито Санто.
Португалецот забележа само две победи во последните седум натпревари, што не е доволно за клуб во кој настапуваат суперѕвезди како Карим Бензема, Н’Голо Канте и Фабињо.
Поранешниот менаџер на Тотенхем и Вулверхемптон го презеде клубот во јули 2022 година.
Како тренер го водеше тимот на 52 натпревари и забележа 36 победи, девет нерешени и седум порази.
Интересно е што имаше исто толку порази како тренер на Порто и Тотенхем (7).
Good Luck Nuno ⚫️🟡#ThankYouNuno pic.twitter.com/cMUKvftbKK
— Ittihad Club (@ittihad_en) November 7, 2023