Нуланд: Бајден со Шолц ќе разговара за Северен тек 2 и за Украина
Американскиот претседател Џо Бајден има намера да разговара за „Северен тек 2″ со германскиот канцелар Олаф Шолц во контекст на ситуацијата околу Украина. Ова го соопшти американската државна потсекретарка за политички прашања Викторија Нуланд во говорот пред Комитетот за надворешни односи на Сенатот за време на сослушувањето за односите Вашингтон-Москва.
Пратеникот ја праша Нуланд дали американските сојузници би можеле повеќе да ја прифатат позицијата на Вашингтон за гасоводот во светлината на наводите за можна конфронтација меѓу Русија и Украина. Како што одговори Нуланд, „претседателот денеска, можеби токму сега, ја има првата можност да разговара со Олаф Шолц … како канцелар”.
– Ќе добиеме повеќе информации за ова. Но, сакам да истакнам дека веќе разговаравме со него додека беше министер за финансии на Германија. Не се сомневам дека е свесен за сериозноста на ситуацијата со која се соочуваме, рече Нуланд.