Нови детали за убиството во Капиштец: Застрелан со пиштол, дотепан со кундак, полицијата трага по осомничениот

Убиство во казино во Капиштец / Фото: „Слободен печат“ - Методиј Здравев

Убиениот Н.А. (46) од Арачиново во казиното во Капиштец пристигнал заедно со уште тројца, во видно алкохолизирана состојба. Некое време играле на апаратите, а потоа тој започнал да се расправа и да се турка со еден од луѓето со кои бил заедно во казиното. Другите двајца се обиделе да ги раздвојат, но осомничениот извадил пиштол и неколкупати пукал во 46-годишниот Н.А, а потоа со кундакот од пиштолот го удрил повеќепати во главата.

Осомничениот убиец избегал, а полицијата трага по него.

Убиство во казино во Капиштец / Фото: „Слободен печат“ – Методиј Здравев

Од Основното јавно обивинителство соопштија дека дежурен јавен обвинител извршил увид во казиното кај Млечен. Телото е предадено на обдукција, ќе се врши вештачење на траги и докази подигнати од лице место и ќе се разговара со сведоци на настанот. Обезбедени се и снимки од видео надзорот на објектот.​​

Утрово околу 8 часот до СВР Скопје е пријавено дека во казино лоцирано на булевар „Митрополит Теодосиј Гологанов“ едно лице пукало во Н.А. (46) од село Арачиново, со кого претходно играле на апаратите во казиното, по што Н.А. подлегнал на повредите, соопштија од  МВР.

Убиен маж во казино во Капиштец

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот