Грен слем турнирот Ролан Гарос ќе има нова шампионка, откако Коко Гоф беше елиминирана во третото коло. Подобра од минатогодишната победничка беше Анастасија Потапова од Австрија, која славеше со 4:6, 7:6 (1), 6:4.

Американската тенисерка пристигна во Париз со намера да ја одбрани титулата освоена минатата година, но сега доживеа рана елиминација.

Потапова сега има три победи во дуелите со Гоф – а оваа сезона на земјена подлога може да се пофали дека била подобра од втората и четвртата тенисерка во светот.

На почетокот на април, таа беше 97-та тенисерка во светот, а сега го игра тенисот на својот живот.

Австријката во осминафиналето на турнирот ќе игра против Анита Калинскаја која со 6:3, 0:6 и 6:2 ја совлада Колумбијката Камила Осорио.

Ролан Гарос

Резултати, жени:

Јовиќ – Осака 6:7, 7:6, 4:6
Сакари – Хвалинска 6:1, 3:6, 2:6
Шнајдер – Олијникова 7:5, 6:1
Пери – Анисимова 6:3, 4:6, 7:6
Калинскаја – Осорио 6:3, 0:6, 6:2
Сабаленка – Касаткина 6:0, 7:5
Гоф – Потапова 6:4, 6:7, 4:6
Мбоко – Киз 3:6, 7:5, 5:7