Се ближи завршницата во Лигата на шампиони, а натпревари од четвртфиналето се играат вечерва и утре. Реал Мадрид ќе го пречека Баерн Минхен, Спортинг Лисабон ќе игра против Арсенал, додека утре на Камп Ноу силите ќе ги одмерат Барселона и Атлетико Мадрид, а во Франција ќе се сретнат ПСЖ и Ливерпул.

Суперкомпјутерот на „Опта“ направи дури 10.000 симулации за можниот тек на натпреварувањето. Според анализите, Арсенал е најблизу до полуфинале со 78,12% шанси, пред Барселона (68,05%), Баерн Минхен (62,97%) и ПСЖ (58,38%).

Кога станува збор за титулата, англискиот тим повторно се издвојува како главен фаворит со 27,96% веројатност за освојување на трофејот. Баерн Минхен следи со 20,88%, додека Барселона има 17,39% шанси.

Актуелниот шампион ПСЖ има 11,56% шанси да ја одбрани титулата, додека Реал Мадрид се проценува со 8,97% за нов, 16-ти европски трофеј. Ливерпул има 6,52%, а шансите на Атлетико Мадрид (3,66%) и Спортинг Лисабон (3,06%) се сведени на минимум.

With just eight teams remaining in the 2025-26 UEFA Champions League, now feels an ideal time to check in on the Opta supercomputer’s predictions for the remainder of the competition.

Here are the results from the latest 10,000 season simulations. pic.twitter.com/FeXo9UmeVd

— Opta Analyst (@OptaAnalyst) April 7, 2026