Леонардо ди Каприо е познат по својата наклонетост кон помладите жени. Сега, 30 години откако излегувал со нејзината постара сестра Кејт Мос, Лео ја поминал ноќта забавувајќи се со Лоти Мос (25) во ноќниот клуб „Chiltern Firehouse“ во Лондон. Очевидци за „Дејли меил“ откриле дека тие седеле заедно за време на забавата.

„Ги имате Леонард и Лоти во иста просторија, природно тие гравитираа еден кон друг“, изјавил извор за „Дејли Меил“.

„Разговараа и се смееја до доцните часови, додека не дојде време за заминување. Тие го напуштија клубот во раните часови откако одлично се забавуваа. Ова ги наведе луѓето да озборуваат, бидејќи и двајцата се познати личности кои уживаат во убаво време“, додал изворот.

„Лео и Лоти одлично се забавуваа и делуваа многу блиски. Пристигнаа одвоено, но со само неколку минути разлика и беа на маса со други пријатели. Нивната блискост привлече внимание, а луѓето во клубот ја спомнаа Кејт како и фактот дека Лоти е на вистинската возраст за Лео“ , изјавил друг извор за „Сан“ (The Sun).

Лоти претходно, девет месеци се забавуваше со Алекс Митон од „Made In Chelsea“ во 2017 година. Таа потоа беше поврзана со тапанарот на „The Vamps“, Тристан Еванс , како и со Бруклин Бекам и ТВ водителот Роман Кемп .

Претходно истата вечер, Ди Каприо (49) бил на лондонската проекција на неговиот најнов филмски хит „Killers Of The Flower Moon“ со неговата колешка Лили Гладстон.

Лоти Мос не била ни родена кога Ди Каприо бил во кратка врска со нејзината сестра Кејт во декември 1993 година, непосредно пред таа да се забавува со Џони Деп.