Ла Лига отвори дисциплинска постапка поради инцидентот што се случи викендов на дуелот меѓу Елче и Еспањол, а во центарот на вниманието се најде фудбалерот Рафа Мир.

Според наводите, во 78. минута од натпреварот Мир упатил навредлив и недоличен коментар кон противничкиот играч Омар Ел Хилали, поврзана со мигрантите кои пристигнуваат во Шпанија преку морски пат.

Ел Хилали веднаш реагирал и го известил главниот судија за изреченото, по што бил активиран протоколот против расизам и средбата привремено беше прекината.

Од раководството на шпанското првенство потврдуваат дека случајот е предмет на темелна истрага и најавуваат дека во наредниот период ќе бидат објавени дополнителни информации и можни санкции.

Натпреварот по инцидентот продолжи и на крајот заврши без победник 2-2, а токму Рафа Мир беше еден од стрелците за домашниот состав во финишот.

Hoy han activado el protocolo antirracista en el Elche – Espanyol. Omar El Hilali ha denunciado un insulto racista (“Viniste en patera”) por parte de Rafa Mir, futbolista acusado de agresión sexual y que hizo apología franquista y puso comentarios homófobos en redes. pic.twitter.com/ZyBYaOhd3v

— Fonsi Loaiza (@FonsiLoaiza) March 1, 2026