Нов Гинисов рекорд: Ова е најскапата порција помфрит во светот
Најскапата порција помфрит чини 200 американски долари, проширувајќи ја дефиницијата за висока кујна.
Ресторанот „Serendipity 3“ во Менхетен во своето мени ги има најскапата плескавица во светот која чини 295 американски долари и порција сладолед кој чини 1.000 долари. А, сега го имаат и најскапиот помфрит во светот добивајќи нов Гинисов рекорд. Од 13 јули, овој помфрит е официјално најскапиот на Земјата.
„Ресторанот „Serendipity“ е навистина среќно место“, рече креативниот директор и готвач Џо Калдероне. „Луѓето доаѓаат овде да слават, понекогаш навистина да избегаат од реалноста на животот“, вели тој.
Специјалниот помфрит е составен од компири „Chipperbec“. Тие се бланширани – или попарени – во оцет и шампањ. Истите потоа се пржат во чиста маст од гуска, не масло, и не еднаш туку двапати, па однадвор се крцкави, а одвнатре меки.
View this post on Instagram
Попрскани со злато и зачинети со сол од тартуфи и масло од тартуфи, тие се сервираат на кристална чинија со орхидеи, тартуфи на тенки парчиња и сос „Mornay“.
„Туртуфот е главната ѕвезда овде“, вели извршниот готвач Фредерик Шен-Киврт.
Како и многу ресторани, „Serendipity 3“ беше затворен за време на пандемијата, а Калдероне и Шен-Киверт сметале дека овој специјален помфрит ќе биде добар начин да се објави повторното отварање.
Имено, доколку сакате да го пробате овој деликатес ќе бидете ставени на листа на чекање – од 8 до 10 недели поради огромниот интерес.
„Ова беше тешка година и пол за сите, и сега треба да се забавуваме“, рече Калдероне.
Извор: abc7NY