„Њу кидс он д блок“ најавија нов албум по 11 години
Американскиот бој бенд „Њу кидс он д блок“ (New Kids on the Block) најави нов албум по 11 години. Последниот албум „10“ го објавија во 2013 година, а новиот албум „Still Kids“ ќе го издадат на 17 март. Веќе е објавена главната песна од албумот „Kids“, а објавен е и спотот.
– Ова е најзрелиот албум што сме го направиле. Сепак, тоа е и најзабавниот и најудобниот албум што сме го направиле – рече основачот на бендот Дони Волберг, кој учествуваше во пишувањето на седум песни од албумот. На „Still Kids“ ќе има вкупно 14 песни, пренесува „Билборд“.
Најмладиот член на бендот, Џои Мекинтајр, помогна да се напишат шест од песните на албумот.
– Ова кажува многу за секој бенд, да се направи албум кој ќе има енергија, страст и леснотија, забава и длабочина, по речиси 40 години заедно? „Тоа е лудо“, рече Џои. Покрај песната „Kids“, на албумот ќе се најдат и песни како „Magic“, „Summer Love“, „Dance With You“, „In the Night“ и други.
Бендот неодамна ја најави својата турнеја „Magic Summer 2024“, која ќе започне на 14 јуни.