Популарната група „Пусикет долс“ официјално потврди дека го откажува поголемиот дел од својата повратничка турнеја „PCD Forever“ во Северна Америка поради слаба исплатливост и организациски одлуки.

Групата ја сподели веста преку својот инстаграм-профил, објаснувајќи дека по разгледување на состојбата, донеле одлука да ги откажат речиси сите планирани настапи во овој регион.

Единствениот преостанат концерт во САД ќе биде настапот на „WeHo Pride“ во Лос Анџелес на 6 јуни, со кој сакаат да ѝ оддадат почит на LGBTQ+ заедницата за долгогодишната поддршка.

Иако групата не ја наведе како причина слабата продажба на влезници, претходните информации укажуваат дека токму малиот интерес на почетните локации, како онаа во Палм Спрингс, влијаел на ваквата одлука. За разлика од американскиот дел, европската и британската турнеја продолжуваат според предвидениот план, при што интересот е опишан како неверојатен со неколку веќе распродадени датуми.

Европскиот дел од турнејата започнува на 9 септември во Копенхаген и ќе заврши на 13 октомври во лондонската „O2 Арена“, а на сите концерти како предгрупа ќе настапи Лил Ким. Сите фанови кои купиле влезници за откажаните концерти преку официјалните сервиси ќе добијат рефундација на средствата.