Министерот за транспорт Александар Николоски изјави дека е во постојана комуникација со транспортерите и дека тие и со повисоки цени на горивата, пак имаат предност над своите европски колеги.

– Нашиот транспортен сектори има предности поради ниските даноци и релативно ниските придонеси. Јас сум разговарал со компании и ми било кажано дека ако превозот го прават нивни транспортери тоа би го чинело 300 до 350 проценти поскапо. Нашите транспортери имаат доста предности и во однос на цени за осигурување и регистрација – рече Николоски.

Според него, значајно поевтиниот транспорт што го нудат нашите транспортери е една од причините што сега им се случува со престојот во Шенген зоната.
Николоски кој присуствуваше на панел дискусијата „Раст на економијата – економска сигурност на граѓаните“, одговараше и на новинарски прашања.