Во четвртокот ракометниот клуб Еурофарм Пелистер ја информираше јавноста дека Никола Граховац потпиша нов договор за сезоната 2026/27, со опција и за сезоната 2027/28.

Кружниот напаѓач пред да дојде во Македонија настапуваше во Хрватска, Унгарија и Германија.

Заедно со македонските репрезентативци, Жарко Пешевски и Самоил Ристевски, се очекува да формираат огромен капитал на една од клучните позиции во ракометната игра.

Во изминатиот период, Еурофарм Пелистер објави дека следната сезона ќе играат и Пешевски и Словенецот Ник Хенигман.

Следниот натпревар играчите на тренерот Стевче Алушовски во домашниот шампионат ќе го имаат во Битола на 8 април против ГРК Охрид.