Членот на пливачкиот клуб Вардар 2018, Никола Ѓуретановиќ неодамна оствари нешто што малкумина можат – стана државен првак во две држави, и тоа во рок од само неколку дена.

На Летното Национално Првенство на Македонија, Ѓуретановиќ беше прогласен за најуспешен јуниор, и за најуспешен пливач во апсолутна категорија, благодарение на најголем број освоени златни медали на првенството, вкупно три.

Веднаш потоа, Ѓуретановиќ настапи на Летното Првенство на Србија за јуниори и апсолутна категорија (50м базен, Белград).

Стана државен првак на Србија за јуниори, оставајќи зад себе двајца медалисти од неодамна одржаното Европско младинско првенство.

-Ова не е само личен успех, ова е победа за целиот тим, за нашите тренери, за ПК Вардар, за семејството, и за сите што веруваат во вистинската спортска приказна. Посебна благодарност до претседателот на ПК Бета Шаркс – Миро Крстевски, кој несебично го поддржува нашиот клуб и препознава вложен труд, работа и искрен успех! Миро, ти благодариме од срце! Никола, гордост си за сите нас! Продолжуваме понатаму мотивирани, посветени и обединети! – стои во објавата на Пливачкиот клуб Вардар 2018.