Ниеден пациент на Инфективната клиника не е спасен по приклучување на респиратор
На Инфективната клиника, за жал, не е спасен ниеден пациент кој што бил на респиратор, одговори на прашањето на ,,Слободен печат” директорката на клиниката доктор Милена Стевановиќ.
Оттука, препораката на светските центри кои имаат огромен број искуства и кои ги лекувале пациентите со механичка вентилација, се овој тип на третман да биде последниот обид во лекувањето.
-Не за жал не успеавме да извадиме пациенти од респиратор. И покрај тоа што кај повеќе пациенти кај кои практично беше санирано дишењето и беа ставени на спонтан режим на дишење, се случија други компликации поради кои пациентите завршија со смртен исход. Оттука, сметавме дека подобар е нашиот успех во работењето каде што механичката вентилација ќе биде како последен обид во третманите. Денеска, тоа е всушност и препорака од светските центри кои имаат голем број искуства и кои ги лекувале пациентите на механичка вентилација, рече доктор Стевановиќ.
Во врска со третманот со крвната плазма, индивидуалниот впечаток на пациентите е дека има подобрување.
-Ние ја даваме ковалентната плазма кај пациентите. Кај некои од нив личниот и индивидуалниот впечаток е дека има подобрување, но за да можеме научно да го ова кажеме, мораме да направиме поширока анализа на поголем број пациенти, додаде Стевановиќ.