Независниот кандидат за градоначалник на Македонски Брод, Милосим Војнески, објави дека се повлекува од изборната трка во вториот круг на локалните избори.

Војнески во својата објава се заблагодари на сите граѓани кои му ја дадоа довербата и поддршката во првиот круг, но нагласи дека по бројните разговори и консултации, одлучил дека најдобро е да ја повлече кандидатурата.

– ВМРО-ДПМНЕ е мојата матична партија, на која ѝ го посветив поголемиот дел од својот живот. Сметам дека ова е најдобрата одлука во интерес на граѓаните на Македонски Брод – истакна Војнески, додавајќи дека секогаш ќе остане достапен за помош.

Во првиот круг од изборите, кандидатот на ВМРО-ДПМНЕ, Жарко Ристески, освои 1.539 гласови, додека Војнески доби 705.