Ди Марцио се смета за вистински новинарски гуру за трансферите на фудбалерите. Неговиот збор се почитува и кога тој нешто ќе објави, речиси станува правило дека тоа и ќе се случи. Причината за тоа се бројните контакти и пријателства кои ги негува во светот на фудбалот.

Поради тоа, многумина со нетрпение ја очекуваа неговата книга во која еден дел посвети и на Лионел Меси. Ди Марцио открива дека претседателот на Реал Мадрид, Флорентино Перез во 2013 година се обидувал да го наговири Меси да се пресели на „Сантијаго Бернабеу“, но Аргентинецот немал намера да направи такво предавство

– Си го трошите времето и вашето и моето време. Нема шанси да одам во Реал Мадрид – му одговорил Меси на Перез. 

Заминувањето во редовите на најголемиот ривал на Барселона никогаш не било опција за Меси, но затоа една година подоцна бил на чекор до напуштање на каталонсиот тим и тоа поради Жозе Мурињо.

Харизматичниот Мурињо се обидел да го донесе Меси во Челси и малку фалело да се остваир овој трансфер. Ди Марцио тврди дека Мурињо го воодушевил Меси со својот потег, му се јавил на Аргентинецот и тоа во моментите кога се појавија првите информации и обвинувања за Меси и неговиот татко за затајување на данок.

Потоа во домот на Жозе Мурињо во Лондон бил одржан ручек на кој присуствувале претставници на Челси и луѓе од најголема доверба на Меси. За време на ручекот, Мурињо го повикал Меси за да му каже дека тој е најдобриот фудбалер на светот, подобар дури и од Кристијано Роналдо.

Челниците на Челси биле подготвени да ја платат откупната клаузула која изнесувала 250 милиони евра, а било договорено Меси да има годишна плата од 50 милиони евра.

На крајот трансферот не се реализира, а Ди Марцио тврди дека тоа се случило поради таткото на фудбалерот, но не објавува детали пропаднала неговата преселба на „Стемфорд бриџ“.

Во меѓувреме, Меси остана во барселона и наредната сезона 2015 година ја освои последната четврта титула во Лигата на шампионите.