Премиерот на Израел, Бенјамин Нетанјаху, денеска побара од Соединетите Американски Држави да не ѝ продаваат на Турција авиони-ловци „Ф-35“, за да не се наруши балансот на силите во регионот, објави „Џерусалем пост“.

„Не мислам дека треба да им се дадат ‘Ф-35’ или мотори за нивните борбени авиони, бидејќи тоа би го нарушило балансот на моќ на Блискиот Исток, кој во крајна линија е загарантиран од израелската воздушна супериорност, а исто така, мислам, и од позицијата на Америка на Блискиот Исток“, изјави Нетанјаху во интервју за „Фокс њуз“.

Тој побара претпазливост од присуството и влијанието на терористичката група „Муслиманско братство“ во Турција, тврдејќи дека раководството на Анкара е „режим инфициран од Муслиманското братство“, кој „ја мрази Америка и скандира смрт за Америка“.

Американскиот претседател Доналд Трамп, кого Нетанјаху го смета за близок сојузник, денеска ќе отпатува во Анкара, каде утре и на 8 јуни се одржува Самитот на НАТО.

Израел и неговите непријатели