Кратко по полноќ од сабота кон недела, силна експлозија на гас разбудила многу луѓе во 21-от виенски станбен округ Флоридсдорф, Австрија, пишуваат медиуми.

Една семејна куќа на улицата Карл-Бенц-Вег била целосно уништена, а бројни околни куќи биле сериозно оштетени. Но, не само куќите, туку и паркираните автомобили, како и бројните прозорци и стаклени површини, биле расфрлани на парчиња.

Деветмина се повредени во експлозијата на гас, објави австриската телевизија ОРФ. Шестмина полесно, а двајца биле префрлени во болница. Една од нив е 25-годишна бремена жена.

Меѓу повредените е и 93-годишниот жител на куќата, која е целосно уништена во експлозијата на гас. Тој бил пронајден од специјални сили со кучиња за следење и специјални камери под урнатините, во подрумот на куќата. Добил изгореници од втор степен и е префрлен во болница на интензивна нега, под полициски надзор, според ORF. Со забелешка дека е уапсен под сомнение за намерно загрозување на луѓе, работи, имот итн. И дека ќе биде сослушан штом неговата здравствена состојба ќе дозволи.

Медиумите известуваат дека 93-годишникот, кој живеел сам, се скарал со својот посинок, кој наводно го замолил да ја напушти куќата и да оди во дом за стари лица, што не го сакал, бидејќи имал право на доживотен закуп.

„Овој семеен спор трае веќе две години“, пишуваат медиумите и истакнуваат дека следното судско рочиште требало да се одржи на 8 јули.

Експлозија во семејна куќа во Сараево, тројца мртви