Нотарката Цеца Малева Стоев од Гевгелија е избрана за нова претседателка на Нотарската комора, со мандат до 2029 година.

Како што соопштија денеска од Комората, примопредавањето на функцијата се извршило на 3 јули во нејзините простории. Досегашниот претседател, Методија Ристоски, по истекот на својот мандат ѝ ја предал должноста на Малева Стоев, посакувајќи ѝ успешна работа во водењето на институцијата.

Новата претседателка беше избрана на Изборното собрание што се одржа на 16 мај годинава во Скопје, каде што истовремено беа изгласани и новите членови на органите и телата на Комората.

„Нотарската комора и во претстојниот период ќе биде посветена на унапредување на нотаријатот како самостојна и независна јавна служба, со цел јакнење на правната сигурност и заштита на правата и интересите на граѓаните и на правните лица“, се наведува во официјалното соопштение на Комората.

Ќе се спасуваат фирми од стечај, судот ќе може да им наметне план и на доверителите