ВИДЕО | „Нема ни татко, ни мајка“: Скопјанецот Бојан ја расплака Цеца по настапот на „Ѕвездите на Гранд“
Вчерашната емисија на музичкото натпреварување – „Ѕвездите на Гранд“ ја отвори скопјанецот Бојан Илиевски, кој отпеа одлично и доби 6 гласа од жирито. Поддршка на 22 годишното момче беше неговата баба, која очигледно му донесе среќа и тој сега е во тимот на балканската фолк-дива Светлана Цеца Ражњатовиќ.
Но она на што не остана рамнодушна Цеца и се расплака е животната приказна на Бојан, кој многу млад останал без мајка и татко. И двајцата негови родители починале.
„Јас сум негова баба по мајка. Нема ни татко ни мајка, па дојде со неговата баба. Татко му и мајка му починаа“ – рече таа со грутка во грлото, неможејќи да ги запре солзите.
Се насолзија и очите на Бојан, како и на повеќето присутни во салата. Саша Поповиќ се обиде да го разведри Бојан и да му даде мотив на младото момче да продолжи и понатаму да се бори и покрај големата трагедија.
View this post on Instagram
„Ова е специфична ситуација, но Бојан, „Ѕвездите на Гранда“ се едно големо семејство, затоа доби едно големо семејство, многу пријатели, труди се понатаму, ти честитаме што се пласира во вториот круг“ – објасни Поповиќ, а по овие зборови Бојан конечно се насмевна и со гордост ја напушти сцената на Гранд, подготвен да започне да го остварува својот најголем животен сон.
Без двоумење Бојан ја посака Цеца за свој ментор, која прифати без двоумење.
Настапот на Бојан погледнете го на самиот почеток од видеото: