Човек кој горел кабли на депонијата во скопската населба Маџари, во близина на црквата позади железничките пруги, го предизвикал големиот пожар попладнево, пријавил граѓанин во Центарот за управување со кризи. Столб од густ црн чад попладнево се издигаше од местото и тој е видлив од речиси цело Скопје.

Како што е пријавено на бројот за итни случаи 112, лице на локацијата пали кабли, по што надлежните служби веднаш реагирале.

Од ЦУК информираат дека противпожарната бригада и полициски екипи се веќе упатени кон местото на настанот со цел да се интервенира и да се утврдат околностите.

Засега нема информации за повредени лица, а се очекуваат повеќе детали по интервенцијата на надлежните служби.

ВИДЕО | Голем пожар во ресторан во Штип, пожарникари и навивачи заедно го гаснеле огнот