Недовршен портрет од Густав Климт, продаден за 30 милиони евра: Се водат многу дебати за тоа која е жената од сликата
„Портретот на госпоѓица Лизер“, кој го насликал австрискиот сликар Густав Климт и не го довршил, бидејќи починал, вчера е продаден на аукција во Виена, за 30 милиони евра.
Климт не го завршил своето дело бидејќи починал. Само една година пред неговата смрт во 1918 година, богатиот еврејски индустријалец Адолф Лизер го нарачал овој портрет од сликарот, пренесува Би-би-си.
Се воделе бројни дебати за тоа која е, всушност, жената на сликата и што се случило со сликата во текот на нацистичката ера, па преовладуваат мислењата и претпоставките дека жената од портретот е една од ќерките на Адолф или неговиот брат Јустус Лизер.
Долго време се мислело дека ова дело е изгубено, а всушност, со децинии било изложено во една приватна вила во близина на Винеа, пренесува Ројтерс.
Аукциската куќа „Им Кински“ во јануари годинава го изложи „Портретот на госпоѓица Лизер“ со проценета вредност од 30 до 50 милиони евра.
Gustav Klimt’s “Portrait Of Fräulein Lieser” Sells For $30-Million-Plus, Just Beating Its Estimate https://t.co/BO0vDa2CSa pic.twitter.com/G4S7uAJw3g
— Forbes (@Forbes) April 24, 2024