Ангел Димитров од Организацијата на работодавачите, во емисијата „24 отворено“ вечерва рече дека бизнисмените се свесни оти мора да им се обезбеди куповна моќ на работниците.

– Свесни сме дека во ова време недостигот на работници е проблем, мора максимално да ги наградиме работниците. Владата сакаше да го поттикне растот на платите и нагло почна да ја зголемува минималната плата. Тоа беше добар притисок на работодавачите да ги кренат платите и затоа просечната плата помина. Инфлацијата за оваа година помогна порастот да биде поголем. Тоа влијаеше на порастот на сите плати. Во некои сектори и во јавниот не можеа да се подигнат повисоки платите и голем број на работници земаа минимална плата и тоа се случуваше и во приватниот сектор“, рече Димитров.