Не завршиле ни факултет: 5 работи кои можеби не сте ги знаеле за најбогатите луѓе на светот
Падот на акциите и зголемувањето на каматните стапки доведоа до „лоша“ година за најбогатите луѓе во светот, пишува магазинот „Форбс“. Затоа не е чудно што оваа година имаме 28 милијардери помалку од лани.
„Форбс“ изброи 2.640 милијардери во светот во 2023 година, кои заедно имаат 12,2 трилиони долари, што е за околу половина трилион помалку од минатата година, пишува „Пункуфер“.
Французин е најбогатиот човек на светот
Илон Маск падна од првото место на најбогати луѓе во светот на второто во 2023 година. Таа титула сега му припаѓа на Бернард Арно, сопственик на најголемата компанија за луксузни стоки „LVMH“, чие богатство се проценува на 211 милијарди долари. Ова е првпат Французин да се најде на врвот на листата на најбогати луѓе во светот.
Повеќето милијардери се во САД
Повеќето милијардери сè уште доаѓаат од Соединетите Американски Држави – дури 735 од нив. Следат Кина со 562 милијардери и Индија со 169 милијардери.
Високата диплома е добредојдена, но не е потребна за финансиски успех
Тројцата најбогати луѓе во светот – Бернард Арно, Илон Маск и Џеф Безос дипломирале на престижни светски универзитети. Но, факултетската диплома не е неопходна за финансиски успех.
Лери Елисон, кој е на четвртото место на листата на Форбс за најбогати луѓе во 2023 година, Бил Гејтс, кој е на шестото место и Марк Цукерберг, кој е на 16-то место, никогаш не завршиле факултет.
Сите тројца го напуштиле факултетот пред да ги основаат своите супер-успешни компании „Oracle“, „Microsoft“ и „Facebook“.
Најмладиот милијардер во светот
Просечниот милијардер има 65 години. Најмладиот милијардер во светот, пак, има само 19. Тој е Клементе Дел Веки, син на успешниот претприемач Леонардо дел Веки, кој имаше значителен удел во најголемата компанија за очила „Луксотика“. По смртта на неговиот татко, Клементе наследил една петтина од неговото наследство – околу 3,6 милијарди долари.
Quem é Clemente Del Vecchio, o bilionário mais jovem do mundohttps://t.co/HBxFmbVrzq
— exame (@exame) May 30, 2023
Доставувачот на пица кој стана милијардер
Најмладиот само-создаден милијардер е поранешниот доставувач на пица Бен Френсис. Во 2012 година, 31-годишниот Британец ја основа компанијата за спортска облека и додатоци „Gymshark“, која благодарение на силното влијание на социјалните мрежи сега вреди повеќе од милијарда долари.
Како млад, тој доставувал пици за да купи машина за шиење за да го сошие својот прв комплет за вежбање во гаражата на неговите родители. Денес неговото богатство се проценува на 1,2 милијарди долари.
£1billion brand. Never thought this would happen. Now let’s make this the greatest fitness community, and one of the all time great British brands 🙌🏼🇬🇧 pic.twitter.com/xOYy1OpODJ
— Ben Francis MBE (@BenFrancis1992) August 15, 2020
