Старите јаболка што ви стојат „збрчкани“ не треба да ги фрлате во ѓубре бидејќи лесно можете да ги претворите во корисен додаток во исхраната.

На профилот на Тикток на „Тејст спел“, постојат два начина да се користи старо овошје: како сушени парчиња или како домашен јаболков оцет.

Сушените јаболка ги задржуваат витамините, минералите и влакната. Растворливите влакна, кои помагаат во контролата на шеќерот во крвта и го намалуваат лошиот холестерол, се издвојуваат особено, додека нерастворливите влакна го поддржуваат правилното варење.

Јаболката исто така можат да придонесат за здравјето на срцето. Консумирањето на две јаболка дневно во текот на осум недели е поврзано со намалување на холестеролот и подобра функција на крвните садови.

Според порталот „Хелтлајн“, пектинот кој го содржи јаболкото може да го намали вкупниот холестерол за пет до 16 проценти со врзување за холестеролот во цревата и помагање на неговото излачување од телото.

„Тејст спел“ нагласува дека дури и постарите јаболка, кога се сушат, задржуваат значителен дел од своите хранливи материи. Постапката е едноставна: јаболката се лупат, семките се отстрануваат, се сечат на тенки парчиња и се сушат во рерна или фритеза на топол воздух додека не станат крцкави.

Можете да направите и оцет од стари јаболка. Ставете ги остатоците во тегла, прелијте ги со шеќерна вода, покријте лабаво и оставете ги три до четири недели пред да ги ставите во шишиња. Јаболковиот оцет може да понуди изненадувачки придобивки покрај редовното варење.

Американското здружение за срце забележува дека може да го намали шеќерот во крвта и да го подобри холестеролот кај некои луѓе.