НБА сезоната официјално ќе започне на 22 декември!
Новата сезона во најсилната кошаркарска лига на светот ќе започне на 22 декември 2020 година, објави денеска официјално НБА лигата.
НБА-лигата и Здружението на играчи од НБА постигнаа договор сите екипи да играат 72 натпревари, што е за десет помалку од вообичаениот распоред.
Се разговараше и за промените поради пандемијата со ковид-19, што значително влијаеше на финансиите и календарот на лигата. Лимитот на платата ќе биде утврден на 109.140 милиони американски долари.
NBA and NBPA agree on 2020-21 season start and adjustments to CBA.https://t.co/HOaa1V9q8U pic.twitter.com/Z9m0OG8KI8
— NBA (@NBA) November 10, 2020
Преодниот рок почнува од 20 ноември, односно од 22 ноември до 22 декември играчите ќе можат да потпишуваат договори.
Помеѓу најинтересните имиња на НБА пазарот се Марк Гасол, Кристијан Вуд, Серж Ибака, Ражон Рондо, Еван Фурније, Џереми Грент, Кентавиус Колдвел Поуп, Тристан Томпсон, Дерик Фејворс, Арон Бејнс, Маркус Морис, Двајт Хауард, Џеј Краудер, Ејвери Бредли, Андре Драмонд, Ото Портер, Малик Бизли, Дарио Шариќ..