Шпанскиот стратег Микел Артета стави потпис на нов договор со Арсенал кој ќе има важност до 2027 година.

Констатно Артета на прашањата за неговата иднина во Арсенал во текот на летото одговараше дека нема проблем со раководството и дека за нова соработка ќе се разговара по завршувањето на преодниот рок.

Така две недели по затворањето на трансфер прозорецот стигна потврдата за неговото останување на клупата.

„Задоволен сум од односот кој го имам со сите во клубот. Имам среќа секој ден да соработувам со квалитетни и амбициозни луѓе. Се чувствувам инспирирано, чувствувам дека работата ми е предизвик, ја чувствувам поддршката на сите, па сакам да донесам уште поголеми постигнувања од тие до сега“, изјави Артета.

Не се открива колку Артета ќе заработува според новиот договор, но веројатно станува збор за еден од најголемите договори помеѓу тренерите бидејќи со претходниот заработуваше десет милиони евра по сезона.