Францускиот фудбалер Пол Погба доживеа емотивен момент при своето враќање на терен по долга пауза поради суспензијата поради позитивен допинг-тест. Триесет и двегодишниот полузащитник во саботата влезе во игра во 81. минута на натпреварот меѓу Монако и Рен, кој заврши со убедлива победа на гостите (1:4).

И покрај поразот на неговиот тим, навивачите на Монако го пречекаа Погба со громогласни овации. Французинот не можеше да ги скрие емоциите по само десетина минути на теренот, по огромниот период минат надвор од фудбалските терени и уште подолгиот период откако последен пат одиграл цел меч.

„Моментот кога ја видов публиката како станува и аплаудира… никогаш не можев да замислам дека ќе го доживеам тоа. Чувствувам олеснување што повторно играм фудбал, тоа е она што најмногу го сакам“, изјави Погба по мечот.

Тој додаде дека го очекува долга и напорна работа за да се врати во вистинска форма:

„Има уште многу работа, далеку сум од денот кога ќе можам да играм 90 минути. Ако не играм добро за Монако, можам да заборавам на дресот на репрезентацијата.“

Погба нагласи дека вербата во себе никогаш не ја изгубил:

„Знам дека она што се случи не беше моја вина. Секогаш верував во себе и во мојот квалитет.“

Со овации од трибините како силен мотив, Погба го започнува својот долг пат кон целосно враќање во професионалниот фудбал.