Навивачи од Словачка беснееле на летот за Скопје – еден е уапсен, десетмина биле вратени назад
Вечерва се игра натпреварот помеѓу Шкендија и Слован Братислава, а пред овој натпревар гостинските навивачи правеле проблем во авионот.
Препорачано
Еден од навивачите бил и уапсен, додека на десет други поради однесувањето не им бил дозволен влез во Македонија.
„Приведен навивач од Словачка, на 10 други не им беше дозволен влез во државата поради агресивно и недолично однесување во авион за време на лет и по слетувањето.
На 10.12.2025 околу 20:30 часот во СВР Скопје, од службите на Меѓународен аеродром Скопје и од Регионалниот центар за гранични работи Север е пријавено дека во воздухоплов кој пристигнал од Словачка, повеќе лица под дејство на алкохол, кои се дел од навивачка група, за време на летот и по слетувањето не ги почитувале правилата, агресивно се однесувале и ги вознемирувале останатите патници и екипажот. Полициски службеници веднаш пристигнале на местото и по преземени мерки го приведоа Л.Т.(38) од Словачка, а на 10 други лица, исто така, од Словачка, не им беше дозволен влез во државата од безбедносни причини. По целосно документирање на случајот, против Л.Т. ќе биде поднесена соодветна пријава“, сооштија од МВР.
Натпреваот помеѓу Шкендија и Слован се игра вечерва од 18:45 часот во Скопје на Арената, Тодор Проески.
Преземено од: Спорт.ком.мк
