Славната оскаровка Натали Портман (44) повторно ќе стане мајка. Актерката го чека своето трето дете, а прво со нејзиниот нов партнер, францускиот музички продуцент Танги Дестабл.

Веста актерката ја откри ексклузивно во интервју за „Харперс базар“, каде што искрено зборуваше за бременоста и благодарноста што ја чувствува во овој период од животот.

Портман не ја криеше возбудата поради новото поглавје во нејзиниот живот, но истакна и дека е свесна за тежината на мајчинството.

„Танги и јас сме многу возбудени. Навистина сум многу благодарна. Знам дека ова е огромна привилегија и чудо“, изјави Натали, додавајќи дека секогаш е внимателна на оваа тема бидејќи знае колку многу луѓе се борат со тешкотии за да добијат потомство.

Оваа среќна вест доаѓа по бурниот период за актерката, која во 2024 година се разведе од кореографот Бенџамин Милпије по 11 години брак. Натали од претходниот брак веќе има две деца, синот Алеф (14) и ќерката Амалија (9).

Иако Портман е позната по тоа што максимално ја чува својата приватност, овојпат реши да ја сподели радоста со јавноста, нагласувајќи дека семејството и е најголемиот приоритет во животот.

Кој е Французинот на чиј шарм падна Натали Портман?