Кимберли Стјуарт (45), ќерка на легендарниот музичар Род Стјуарт (80), кој неодамна доби уште едно внуче, на социјалните мрежи објави убава вест – таа по вторпат е бремена.

Имено, таа на својот инстаграм-профил објави фотографии на кои позира во цветен фустан додека го држи трудничкиот стомак.

„Наскоро доаѓа момче“, напиша Кимберли покрај фотографиите.

 

View this post on Instagram

 

A post shared by Kimberly Stewart (@thekimberlystewart)

Манекенката веќе е мајка на 13-годишната ќерка Далила, која ја има со нејзиниот поранешен партнер, порториканскиот актер Бенисио дел Торо. Бебето кое Кимберли наскоро ќе го роди ќе биде петто внуче на Род Стјуарт и неговата сегашна сопруга Пени.

Инаку, Кимберли е второто дете на пејачот со неговата прва сопруга Алана Стјуарт, со која беше во брак од 1979 до 1984 година. Тој има вкупно осум деца.

Минатата година, Стјуарт организираше раскошна венчавка во Дубровник за својот син Лијам, кој се ожени со Американката со хрватско потекло, Никол Атруковиќ, кои на почетокот на овој месец го добија своето второ дете.