Фјучерсите на американските берзански индекси паднаа поради новиот пораст на цените на нафтата и приносите на американските државни обврзници. Во исто време, инвеститорите го проценуваат развојот на ситуацијата на Блискиот Исток, како и деловните резултати на технолошката компанија Nvidia, објави CNBC.

Фјучерсите на берзанскиот индекс S&P 500 паднаа за 0,2 проценти, Nasdaq 100 изгуби 0,4 проценти, а Dow Jones изгуби околу 102 поени или 0,2 проценти.

Падот на берзите следеше по веста дека врховниот лидер на Иран, Моџтаба Хамнеи, наредил збогатениот ураниум да остане во земјата, што дополнително ја зголеми неизвесноста во врска со конфликтот меѓу Вашингтон и Техеран.

Трамп и Нетанјаху имале напнат разговор за Иран

Цената на американската сурова нафта WTI порасна за 2,9 проценти и надмина 101 долар за барел, додека меѓународната референтна сурова нафта брент порасна за 2 проценти на повеќе од 107 долари.